MAXAAD KA OGTAHAY FAA`IIDOOYINKA CAAFIMAAD EE BASBAASKA?

Waa suragal in badan oo naga mid ah inaan isticmaalno basbaaska si cunnada uu noogu socodsiiyo ama dhadhan noogu yeelo balse ayanaan ka warqabin faa`iidooyinka caafimaad ee laga helo.

Basbaasku waxa uu kamid yahay qudaarta sida maalinlaha ah dadka badankiis u isticmaalaan

Qubarada caafimaadku waxa ay sheegayaan in basbaaska laga helo faa`iidooyin caafimaad sida fatimiin C iyo maadooyin kahortag u ah cudurro halis ku ah caafimaadka

Kansarrada qaarkood iyo boogaha caloosha ku dhaca ee afka qalaad lagu yiraahdo (Ulcers) ayaa kamid ah xanuunada uu u fiican yahay basbaaska iyadoo sidookale la warinayo in kuleylka jirka uu ku beero ay sabab u noqon karto in miisanka qofka uu isdhimo

Waxaa kaloo la tilmaamayaa in isticmaalka basbaaska uu ka qeyb qaadanayo hoos udhigidda qatarta cudurka waayahaan dambe ku batay dadka ee sokorowga nuuciisa loo yaqaano (Type 2)

Sidookale xog baaris la sameeyay ayaa tabineysa in faa`iidooyinka caafimaad ee basbaaska ay kamid yihiin sare u qaadidda caafimaadka wadnaha iyo difaaca jirka

Dheecaanada taranka ragga ee afka shisheeye lagu yiraahdo (Testosterone hormones) ayaa sidookale kamid ah faa`iidooyinka caafimaad ee laga helo basbaaska

Haddaba waa muhiim inaan ku baraarugsannahay faa`iidooyinka caafimaad ee laga helo qudradda aan isticmaalno si aan uga faa`iideysanno  oo aan u tayeenno qaab nololeedkeena oo laf dhabar u ah nolosha