MAXAAD KALA SOCOTAA FAA`IIDOOYINKA NAAS NUUJINTA?

Wacyi galinta bulshada ee la xariirta arimaha caafimaadka waa door muhiim ah waayo caafimaadku waa laf dhabarta aadmiga uusan sinnaba kaga maarmi Karin

Qormadaanna waxa aynu maanta kaga hadleynaa muhiimadda naas nuujinta ay u leedahay dhallaanka iyo doorka ay kaga jirto mustaqbalka fog ee caafimaadka ilmaha

Sidookale waxaan ku faahfaahin doonnaa warbixintaan muddada ugu haboon oo ay tahay in hooyo walba ilmaheeda u nuujiso si aan kala go`laheyn

Haddaba aan ku hormarnee faa`iidooyinka caafimaad ee naas nuujintu ay u leedahay caruurta waxaa kamid ah in ay ka difaacaan jirka xanuunada ay ka mid yihiin caabuqyada ku dhaca caloosha iyo in ilmuhu ay la dhibtoodaan xanuunka calool fadhiidka

Aqoon-yahannada caafimaadka waxa ay sheegayaan in caanaha naaska hooyada ay ka kooban yihiin burutiinno lagama maarmaan ah iyo dheecaano ka qeyb qaata hab difaaca jirka

Naas nuujintu waxa ay ilmaha ka caawisaa in jirkooda uu iskiis isku difaaco marka uu soo weeraro virus ama bacteria waana farqiga u dhexeeya ilamaha naas nuujinta u helo qaab ku filan iyo kuwa u qaata qaab aan toos aheyn

Waxaa la tilmaamaya in muddada ugu haboon oo ilmaha la naas nuujiyo ay tahay lix bilood oo xariir ah iyadoo nuuc kale oo caanaha aan laquudineyn

Waxtarka iyo faa`iidooyinka laga helo naas nuujinta maaha oo qura kuwa ku kooban dhallaanka balse waxa daraasada la sameeyay ay muujinayaan in hooyooyinkuba ka helaan faa`iidooyin caafimaad

Hooyada naas nuujinta ku dadaasha waxa ay ka faa`iidaa quudinta ilmaheeda ka sokow in ilmagaleenka uu si dhaqsa ah usoo aruuro, waxa ay naas nuujinta yareesaa halista kansarka naasaha ku dhaca

Waxaa kaloo kamid ah waxyaaba ay naas nuujintu yareeso qatartooda kansarka kudhaca ugxansidka iyo cudurka macaanka

Hooyo ku dadaal in ilmahaada yari aad u noojiso si ku filan muddo lix bilood ah si adiga iyo ilmagaba aad u heshaan faa`iidooyinka caafimaad ee aan ka soo sheekeenay ugana bad baadaan qataraha caafimaad ee ka dhalan kara naas nuujin la`aanta