WAA MAXAY CUDURKA CAGAARSHOWGA? MAXAASE SABABA?

Cagaarshow waa caabuq ku dhaca beerka oo ay sababaan fayrasyo kala duwan oo faafa iyo maadooyin aan faafin oo keena dhibaatooyin caafimad

Sikale haddii aynu u dhahno cagaarshow waa barar iyo caabuq ku dhaca beerka, waxaana sababa dhowr arimood oo ay kamid yihiin:-

      Unugyada difaaca jirka oo weerara beerka

      Caabuqa ka dhasha fayrasyada kala ah cagaarshow A,B,C

      Dhawac kadhasha cabidda qamriga ama sunta iyo inkale oo badan

Sidookale xanuunkaas waxa sababi kara xanuuna kale oo dhaxal ahaan ku yimaada sida:- cystic fibrosis iyo hemochromatosis oo ah maadooyin fatimiino iyo burutiinna ah oo jirka ku saa`id noqda

CALAAMADAHA CAGAARSHOWGA

Waxaa suurtagal ah in qofka marka uu ku dhaco cagaarshowga uu dhaqsi kaga bogsoodo halka mararkale laga yaabo inuu noqdo xaalad waqti dheer qaadata

Cagaarshowga waxa uu horseedi karaa dhaawac xagga beerka ah, beerka oo shaqadiisa gaba, kansarka beerka ku dhaca iyo heer dhimasho

CALAAMADAHA QOFKa UU DAREEMI KARO MARKA UU QABO CUDURKA CAGAARSHOWGA WAXAA KAMID AH:-

      Xanuun ama barar xagga caloosha ah

      Kaadi madow iyo saxaro midab dhooba leh

      Daal

      Qandho heerkeedu uu hooseeyo

      Maqaarka ama indhaha oo jaalle noqda

       Cunna xumi

        Lalabo ama matag

      Miisaanka oo hoos udhaca

Cagaarshowga nuuca B iyo C ayaa qubarada caafimaadku waxa ay tilmaamayaan inaan si fudud lagu dareemi karin calaamada ahaan waqtiyada xanuunka uu jirka ku cusub yahay iyadoo ay suuragal tahay in beerkana uu sidaa howl gab ku noqdo waana sababta markasta ay u wanaagsantahay in caafimaad ahaan la isu hubiyo oo aan baaritaan caafimaad la sugin illaa inta uu xanuun ka imaanayo

BAARITAANNADA KU HABOON CUDURKA CAGAARSHOWGA

      Kumbuyuutarka uur ku jirta

      Baaritaan dhiigaada ah oo lagu ogaanayo nuuca cagaarshow ee ku haya

       Baaritaan dhiigaada ah oo lagu ogaanayo shaqada beerka I.W.M

HABABKA FAYRASYADAAN LAGU KALA QAADO

      Qof cudurka qaba dhiigiisa oo qofkale lagu shubo

      Isticmaalka qalab cafimaad oo wasaqeysan

      Cagaarshowga nuuca B oo hooyada ay gudbiso dhallaankeeda

      Cagaarshow B oo galmada lagu kala qaado

DAWADA AAD QAADAN KARTO

Marka laga hadlayo daawada cudurka cagaarshowga iyo dhammaan xanuunada ku dhaca beerka waxaa haboon inaad arimahaas kala xiriirto daryeel bixiyaha caafimaad ee kuugu dhaw waayo daaweyntu waa ay kala duwantahay oo hadba waxaa loo eegaya nuuca xanuunka ah ee ku haya

XAALADAHA ADAG EE KA DHALAN KARA CAGAARSHOWGA

     Dhaawac xagga beerka ah

      Beerka oo shaqada gaba

      Kansarka beerka

Aqriste waa muhiim inaad si dhaw ula socoto xaaladahaada caafimaad oo aad isbaarto adigoo ku dadaalaya inaad hubiso caafimaad kaada xittaa haddii aadan waqtigaas xanuun dareemeyn