WAA MAXAY CUDURKA MACAANKA? KA HORTAGSE MA LEE YAHAY?

Sonkorowga waa cudur daba dheeraada oo yimaada marka ganaca uusan soo saarin insulin ku filan ama marka jirku uusan si wax ku ool ah u isticmaali Karin insulinta uu soo saaro iyadoo lagu ogaan karo sareynta heerka sonkorta dhiigga

Sara ukaca heerka sonkorta dhiigga ayaa la aaminsan yahay in jirka ay ku reebto muddo kadib dhibaatooyin caafimaad oo ay kamid yihiin dhaawac halis ah oo soo gaara wadnaha, xididdada dhiigga, indhaha, kelyaha iyo neerfaha

Nuucyada cudurka macaanka ayaa loo kala saaraa laba qeybood oo kala ah nuuca 1aad iyo 2aad waxana culimada caafimaadka ay ku waramayaan in nuuca 2aad uu yahay kan ugu caansan islamarkaana saddexdii sano ee la soo dhaafay uu ahaa mid ku sii badanayay wadamada adduunka kuwooda dhaqaala ahaan hooseeya iyo kuwa dhex dhexaadka ah intaba

Qiyaastii 422 milyan oo qof oo adduunka ah ayaa qaba cudurka macaanka badidooduna waxa ay ku nool yihiin wadamada dhaqaalahoodu hooseeyo iyo kuwa dhex dhexaadka ah iyadoo hal malyan iyo bar oo dhimasha si toos ah loogu sababeeyo cudurka macaanka sanad kasta islamar ahaantaana tirada kiisaska iyo faafitaanka cudurka macaanka labaduba ay si tartiib tartiib ah u kordhayeen dhowrkii sano ee la soo dhaafay

Calaamadaha lagu garto cudurkaan

Nuuca 1aad ee cudurka macaanka astaamaha lagu garto waxaa kamid ah kaadi badan, haraad, gaajo joogta ah, miisaan dhimis, aragga oo isbedela iyo daal waxaana suuragal ah in calaamadahaan ay si lama filaan ah u dhacaan

Sidookale calaamada xanuunka macaanka nuuciisa 2aad waa kuwa guud ahaanba lamid ah nuuca 1aad ee cudurka hase yeeshee ka gaabiya xag natiija ahaan

Waxaa laga yaabaa in cudurkaan la ogaada dhowr sano kadib soo bixidiisa kadib markii dhibaatooyinkiisa la dareemo sidaa darted waxaa muhiim ah in laga digtoonaada halistiisa

Haddaba cudurkaan ma yahay mid ka hortag leh?

Qubarada caafimaadku waxa ay sheegayaan in nuuca 1aad ee cudurkaan macaanka aan sinnaba looga hortagi Karin halka nuuciisa 2aadna ay jiraan qaababa wax ku ool ah oo looga hortagi karo dhibaatooyinka iyo dhimashada kadiska ah ee ka dhasha

Siyaabahaas looga hortagi karo waxaa kamid ah siyaasadaha iyo dhaqamada guud ahaan dadaka iyo goobaha gaarka ah sida dugsiga, guriga iyo goobta shaqada kuwaas oo gacan ka geysta caafimaadka wanaagsan ee qofka iyadoo aan loo eegin haddii uu qabo sonkorow

Jimicsi joogta ah, cunno caafimaad leh, ka fogaanshiyaha sigaarka iyo xakameynta cadaadiska dhiigga iyo dufanka ayaa kamid ah siyaabaha waxtarka leh ee looga hortagi karo cudurka sonkorowga

Halka ugu wanaagsan ee uu qofku ka bilaabi karo la noolaashaha wanaagsan ee sonkorowga waa ogaanshaha hore ee cudurka balse inta qofka uu la nool yahay cudurka oo aan la ogeyn waxaa sii xumaan kara natiijada caafimaad ee ka dhalaneysa xanuunka

Helitaanka sahlan ee ogaanshaha aasaasiga ah sida baaritaanka sonkorta dhiiga waa in laga helaa goobaha daryeelka caafimaadka asaasiga ah

Bukaan socodka waxa uu u baahan doonaa qiimeynta iyo daaweynta dhibaatooyinka caafimaad ee haya

Waxqabadyo isdaba jooga ah oo wax ku ool ah ayaa hagaajin kara natiijooyinka bukaanka iyadoo aan loo eegin nooca sonkorowga ee uu qabi karo

Wax qabadyadaas waxaa kamid ah xakameynta sonkorta dhiigga iyada oo loo marayo iskudarka cuntada, dhaq dhaqaaqa jirka iyo haddii loo baahdo daawo xakameyn karta cadaadiska dhiigga iyo dufanka si loo yareeyo khatarta wadnaha iyo dhibaatooyinka kale sida dhawaaca indaha iyo kelyaha si loo fududeeyo daaweynta

Yareenta qatarta ah in cudurka macaanka uu kugu dhaco

Dhakhaatiirtu waxa ay ku talinayaan in lagu dadaalo yareenta qatara sababi karta in cudurka uu ku dhaco dadka aan qabin taasoo ay ku macneeyeen inay jiraan xeelado looga gaashaaman karo cudurkaan daba dheeraada

Xeeladahaas waxaa ka mid ah sara uqaadista waxqabadka jir ahaaneed sida jimicsiga, cunida cunno isku dheelitiran oo caafmaad leh iyo dhimidda miisaanka dadka cayilan

Ma jirto dawa iyo qaab kale oo lagu dabar goyn karo cudurka macaanka balse waxaa jira qaab lagu maareyn karo oo caafimaad ahaan caadi ah iyadoo la adeegsanayo joogteynta cunno caafimaad leh iyo jimicsi